1 Star2 Stars3 Stars4 Stars5 Stars
Loading...Loading...

» წესის რიგი

როცა ქალაქში წესრიგი მოვა , მაშინ იქნება თანასწორობა …  მაშინ მორჩება შენი ტკივილი …  აღარ იქნები ეული … აღარ შეგრცხვება შენი სხეულის … აღარ იქნება დარდი,  ქილიკი  …  მაშინ წესრიგი შენს გულშიც მოვა … ქალაქში ქარში დაფრინავს ოცნება …  ლურჯი ოცნება და გაოგნება …

რატომ არავარ მე თანასწორი ?! … რატომ წამართვეს მე ეს უფლება ?! … მე ხომ ქალი ვარ და არა ქარი … მე ხომ შენსავით მაქვს ეს გრძნობები … მე შემიძლია ფიქრი … მე შემიძლია სიტყვები ვპოვო … და უფალს მეც შენსავით წესრიგი ვთხოვო …

რატომ არავარ მე თანასწორი ?! … რატომ წამართვეს მე ჩემი აზრები ?!  მე ხომ უბრალოდ ვარ მათხოვარი …  ფული არამაქვს , მაგრამ ჩემშია მაცხოვარი … მე ხომ შენსავით ვეტრფი მომავალს … და ყოველ დილით ვუყურებ მზეს ამომავალს …  მეც ხომ წესრიგი შენსავით მინდა … რატომ წამართვით მე ეს უფლება ?!

მე კი უბრალოდ ვარ ავად … ჩემს სისხლში დიდი ქარიშხალია … ჩემი სხეული სუსტდება მხოლოდ … შენ ხომ არ გერჩის ეს სენი ?!  შენ რომ მე დამეხსენი … ჩემი გული ხომ შენსავით ფეთქავს … ყოველ ღამე  მეც განვიცდი შეცდომებს ,   მეც ხომ ვღელავ  ? !  … მეც ზღვასავით შემიძლია ღელვა … მეც სხვასავით შემიძლია დარდი …  რატომ წამართვი მე თავისუფლება … რატომ მიზღუდავ საკუთარი თავის უფლებას ?!  …

მეც შენსავით დავიბადე პატარა… მეც პირველად გავახილე თვალი … მეც მიყვარდა ჩემი კერა , ჩემი სახლი …  მეგობრობა მეც კი ვიცი კარგი … რატომ არ ვარ თანასწორი შენი ?! … არ შეიძლება ჩემთვის ყველაფერი?! … განვსხვავდები მხოლოდ კანის ფერით …  ჩემს ძარღვებში ჩქეფავს სისხლი წითელი …  მეც კი ვხდები ნაცრისფერი სევდით …. მეც კი მიყვარს მოფერება დედის …  მეც არვიცი შენნაირად მომვალში რა მელის …

მე უბრალოდ დავიბადე სოფელში … მე უბრალოდ მთის შვილი ვარ პატარა … მე აქ თოვლი მახარებს … მე აქ ჩემით ვაწესრიგებ მიდამოს … არ მინდა რომ ხალხმა ბევრი იდარდოს …  მორჩეს წვიმას , მალე გამოიდაროს … რატომ არავარ მე შენი სწორი ?! … შენ თუ ქალაქში ცხოვრობ და ფეთქავ… მე აქ უფრო სუფთა ჰაერს ვსუნთქავ … მე თუ ბუნებას ვუვლი და მიყვარს … მეც ხომ შენსავით ვისწავლე პირველი ნაბიჯი … სამყაროს შეცნობა … რატომ განმარჩევ  და  თითს მაყოლებ ?! …

რატომ წამართვით მე  ეს უფლება , რომ შემეძლოს  თავისუფლება …  მე ხომ ნეკნი ვარ ადამის … შენც ხომ ჩემი ნაწილი ხარ … მე შენზე ადრე მოვედი ქვეყნად … და  უფრო მალევე წავალ …   წლები ჩემი დაითვალე  სახეზე  … ამ ნაოჭებს ბილიკი რომ გაჰყავთ … ბევრი მანახა ცხოვრებამ … და დამიტყვევა დროებამ .. . ერთ დროს წესრიგი ფასობდა თურმე … მაგრამ ეს იყო წესების დაცვა … და არა წესი ქცეული დარდად …  და არა დარდი გულებთან ახლოს …  ამ კიბეს აღარ აქვს სასრული … ცამდე არის ასული … პირველზე მაღლა მეორე საფეხურია …

ქალაქში თუ მოვა ჟამი წესრიგის …   და რომც დავიცვათ წესების რიგი …  ჩვენს გულებში პაწაწინა აყვავილდეს სხვისი რიდი …  მაინც ალბათ ვერ გავხდები მშვიდი …  მაინც ალბათ არ ვიქნები თანასწორი შენი … სანამ კიბეს გავასწორებთ , სანამ გულში არ დავუშვებთ , რომ ყველანი დავიბადეთ ტირილით … თავის დროზე მაინც წავალთ ამქვეყნიდან და  ყველანი გავსწორდებით მიწის ქვევით …

უწესრიგობა დროებას მოსდევს .. ჩვენც გავიზარდეთ ამავე აზრში …  სანამ პატარა გაახელს თვალებს , მას გავუღვიძოთ წესრიგის ნიჭი…  იქნებ მაშინ ტირილით არ დაიწყოს ცხოვრება … იქნებ მაშინ გაუნათდეს გონება …  იქნებ სამოთხე შექმნას ქვეყნად …  იქნებ არ იყოს გვიანი , ის მაინც რომ გახდეს ადამიანი …

თინათინ ავალიანი

13. 12 .11.

© აქ გამოქვეყნებული ნებისმიერი რესურსის გამოყენება, დასაშვებია მხოლოდ მისივე გვერდის ბმულის წყაროდ მითითებით!

დატოვე კომენტარი↓

*გთხოვთ წეროთ ქართული ასოებით

 

 

XHTML: დამხმარე კოდები: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

*

0 votes, average: 0.00 out of 50 votes, average: 0.00 out of 50 votes, average: 0.00 out of 50 votes, average: 0.00 out of 50 votes, average: 0.00 out of 5

› იანუკოვიჩი და გვირგვინი

მეორეს მოხვედროდა უკეთესი იქნებოდა, მაგრამ არაუშავს არც მაგას აწყენს…
[ვიდეო…]ვიდეოს გადმოწერა↓

DU