1 Star2 Stars3 Stars4 Stars5 Stars
Loading...Loading...

» იყალთო

იყალთოს ფერისცვალების მონასტერი. XII ს.
იყალთოს სამონასტრო კომპლექსი მდებარეობს თელავის ჩრდილო – დასავლეთით 8 კმ-ზე. მონასტრის ტერიტორიაზე მოთავსებულია სამების, ღვთაების და ყველაწმინდის ეკლესიები. მათგან ყველაზე ძველია სამების ეკლესია, რომელიც VI ს-ში დააარსა ერთ-ერთმა “ასურელმა მამამ” ზენონმა, უმცროსი სვიმონ მესვეტის მოწაფემ. არც ისე დიდი ეკლესიის შენობა ჯვრულ – გუმბათოვანი ნაგებობაა. რესტავრაციის შემდეგ შეცვლილია, მაგრამ მისი ადრინდელი სახის წარმოდგენა შესაძლებელია.
მთავარი ეკლესიაა ფერისცვალების “ღვთაება”, რომელიც აგებული უნდა იყოს VIII – IX საუკუნეებში, მონასტრის დამაარსებლის ზენონის დაკრძალვის ადგილას. ეს ეკლესიაც ჯვრულ – გუმბათოვანი ნაგებობაა, საკურთხეველთან ნალისებური აფსიდით. ეკლესიის თავისებურებას წარმოადგენს მთელ დასავლეთ ფასადზე გამავალი კარიბჭე. ეკლესია გადააკეთეს X – XII საუკუნეებში, მაგრამ მისი ადრინდელი ფენები კარგად ჩანს. ეკლესიის დაარსების დროინდელი ორი წარწერა აღმოსავლეთ ფასადზე ძნელად იკითხება.
ყველაწმინდის ეკლესია XII – XIII საუკუნისაა. საინტერესო არქიტექტურულ ნაგებობას წარმოადგენს იყალთოს აკადემია. იგი VIII – IX საუკუნეებშია აშენებული, ხოლო XI – XII ს-ში გელათიდან გადმოსულმა არსენ იყალთოელმა აქ აკადემია დააარსა.
აკადემიის შენობა, რომელიც დღეს ნანგრევებს წარმოადგენს, ორსართულიანი და დიდი ზომის იყო (43 მ X 35 მ). ნაშენი იყო რიყის ქვით. განსაკუთრებით შესამჩნევია მეორე სართულის მოჩუქურთმებული ორმაგი სარკმელი. აკადემია შუა საუკუნეებში საქართველოს ერთ-ერთ მთავარ კულტურულ – საგანმანათლებლო ცენტრს წარმოადგენდა. გადმოცემის თანახმად იყალთოს აკადემიაში სწავლობდა გენიალური შოთა რუსთაველი.
აქ არსებული წარწერები მოგვიანო ხანისაა. იყალთოს სამონასტრო კომპლექსის ტერიტორიაზე მოთავსებულია აგდეთვე დიდი სატრაპეზო, მარანი და სხვა ნაგებობანი.

© აქ გამოქვეყნებული ნებისმიერი რესურსის გამოყენება, დასაშვებია მხოლოდ მისივე გვერდის ბმულის წყაროდ მითითებით!

2 კომენტარი ამ პოსტზე↓

ჩანიშნე ქვედა კომენტარების RSS 2.0 წყარო.
  1. ანა შველიძე ამბობს:
    15 ივნისი, 2011წ. 16:21სთ.

    თქვენს მიერ დადებული ინფორმაცია, ამ საიტზე ძალზედ საინტერესოა და დიდ მადლობას გიხდით, რომ დამეხმარეთ იყალთოს შესახებ ინფორმაციის მოძიებაში.

    კარგია თუ ცუდი: Thumb up 0 Thumb down 0

  2. ილია ამბობს:
    15 ივნისი, 2011წ. 16:29სთ.

    არაფრის. მოხარული ვარ და მადლობა, რომ სტუმრობთ ამ მოკრძალებულ საიტს…

    კარგია თუ ცუდი: Thumb up 0 Thumb down 0

დატოვე კომენტარი↓

*გთხოვთ წეროთ ქართული ასოებით

 

 

XHTML: დამხმარე კოდები: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

*

0 votes, average: 0.00 out of 50 votes, average: 0.00 out of 50 votes, average: 0.00 out of 50 votes, average: 0.00 out of 50 votes, average: 0.00 out of 5

› მანდილოსნური ოპტიმალური სილამაზის გამოყვანა

როგორი უნდა იყოს ნამდვილი მანდილოსნური სილამაზე?
ამაზე პასუხი არარსებობს, რადგან გემოვნებაზე არ დაობენ (არადა სწორედაც რომ დაობენ)
მაგრამ მაინც ჩავატაროთ ექსპერიმენტი და შევაჯვაროთ მსოფლიოს ცნობილი ლამაზმანების ფოტოები და ვნახოთ რას მივიღებთ…
ჯერ ავიღოთ › › ›

DU